婚禮MC 之 籌備篇*~

小妹將會幫一對朋友做婚禮MC
話咁快, 星期六 (1/6) 就係佢地既大日子啦~
一對新人最主要都係想各賓客開心咁參加佢地既婚禮, 對run down等等安排就唔係好緊張
佢地搵左我同熊仁先生做MC之後就好放心, 完全交晒俾我地
我之前主動約過一次會議, 不過因為大家工務繁忙所以最後延期...
我上星期要求過run down同賓客名單... 都未定案...

所以... 今日 (27/5) 係第一次開籌備會議!
在小妹既「催谷」加埋我地合作之下, 用左3個鐘, 我地終於完成一對新人婚禮既run down!!
(期間新郎哥仲不斷扯開話題掛住講飲飲食食...)

新人好可愛, 好多問題都係我地提問佢地先認真諗...
但由佢地既對答睇得出佢地深厚既感情, 好sweet!
其實... 我都好鐘意佢地簡單既婚禮呀!!!
而家齊晒資料, 我就要開工「度」司儀稿啦!! 加油加油!!
祝萬事順利~~
稍後會分享「度」稿心得~